مرزا مدثر بیگ نے امریکہ سے میڈیکل کی اعلیٰ تعلیم حاصل کی اور آپ کنسلٹنٹ کو سموٹالوجسٹ اور میڈیکل سپیشلسٹ ہیں۔ پاکستان سے سپیشلائزیشن اور دوسری امتحانی کامیابیوں میں کئی گولڈ میڈل حاصل کر چکے ہیں۔ ان کا تعلق ایک ادبی خاندان سے ہے، والد اور بہن بھی ادیب تھے۔ بڑے بھائی فلسفی ، ڈرامہ نگار ، ناول نگار سابقہ چیئر مین شعبہ فلسفہ گورنمنٹ کالج یونیورسٹی لاہور اور پرائیڈ آف پر فارمنس مرزا اطہر بیگ تو کسی تعارف کے محتاج نہیں۔ مرز امدثر بیگ میڈیکل کالج میں کالج میگزین کے طالب علم مدیر رہے اور اب بھی پچھلے ہیں سال سے ایک میڈیکل جرنل کے ایڈیٹر ہیں۔ ان کی پہلی کتاب ”سورج ساحل اور سمندر ایک سفرنامے کی صورت میں تھی یہ سفر نامہ، ماہنامہ سرگزشت“ کراچی میں قسط وار چھپتا رہا جو مالدیپ پر لکھا گیا کسی بھی مصنف کا پہلا سفرنامہ تھا، اس کو بہت سراہا گیا۔ دوسری کتاب ان کی شاعری پر مشتمل تھی جسے ” تپتی ریت پر ننگے پاؤں“ کا نام دیا گیا۔ اسے بھی ادبی حلقوں میں پذیرائی حاصل ہوئی۔ ”سراب خواب ناول کے بعد یہ دوسرا ناول ”و ہا“ ہے جس میں کرونا و با کو موضوع بنایا گیا ہے۔ یہ ایک مشکل موضوع تھا مگر اس کو مہارت سے ادبی رنگ میں لکھا گیا، یہ کسی بھی فزیشن کا لکھا کرونا و با پر پہلا ناول ہوگا۔